Светските искуства веќе со години наназад говорат за синергијата помеѓу аграрот - како традиционална индустриска гранка и напредната интелигентна технологија, со цел да се олесни работата на земјоделците, а да се зголемат нивните приноси. Употребата на информациските и комуникациските технологии во агроиндустријата, не само што носи намалување на трошоците на работењето, туку и значително ги олеснува секојдневните оперативни и логистички активности.
Порастот на конкуренцијата, желбата да се оптимизираат трошоците со истовремено зголемување на квалитетот на производството, се повеќе ги насочува земјоделците кон користење решенија базирани на:
- GPRS,
- M2M технологија (machine-to-machine),
- ГИС (географски информациони системи),
-
Паметни сензори,
а во последно време, како последни технолошки паметни достигнувања и со:
-
дронови и
-
автономни возила.
Македонски Телеком, со своите иновативни проекти и M2M решенија во агро-индустријата има за цел активно да се вклучи во развојот на земјоделството во Македонија и да ги поттикне дури и сопствениците на најмалите земјоделски стопанства да ги искористат предностите кои ги нудат паметните – интелигентни решенија.
Имајќи ги предвид светските искуства, Македонски Телеком на своите корисници им нуди низа решенија за унапредување на земјоделското производство и фармерството, меѓу кои:
- системи за далечинско управување со земјоделските машини
- системи за автоматска анализа на потребната количина на ѓубрива и вода која им е потребна на насадите,
- анализа на потребната количина и вид на храна која е потребна за добитокот,
- системи базирани на сензори кои ги мониторираат и оптимизираат за климатските услови температура, влажност, PH вредност) со цел да се спречат болестите кај животните и растенијата...
На тој начин, водата и ѓубривата правилно се дозираат, добитокот се храни правилно со што квалитетот на производите значително расте, а трошоците на земјоделците се намалуваат или во најмала рака се оптимизираат.